बोड़ी

त्यरा गौं मुल्क  गैल्या
नि औलु बोड़ी
खुश रै तु खुश गैल्या
मै तेन छौड़ि

मैन मन माया गैल्या
त्वै दगड़ी लगाई
त्वैसि जीवन आस करि
तिन निरास काई
त्वै अपड़ु समझी मैन
तिन मुख मोड़ी

मनमा रै मन की म्यरा
सूची थो जु मैन
पीड़ा मैन झैली सैरी
तू रै सुखि चैन
नातू यु हमारू माया कु
तिन सर तोड़ि

अपड़ा सी सौं करार
रख सांबळी अपु मा
तीरि याद ओंदी नि अब
तूभि याद करि ना
सीखि याली त्वै बिगर ज्यूणु
तुभि ज्यूणु न छोड़ि

     प्रभात सेमवाल (अजाण )सर्वाधिकार सुरक्षित