बतौ बिधाता तु मै सणी
क्या तीरु इनसाप
गरीब हूणु किलै छ पाप
गरीब सदानि रुळाई
कबि वैतें सुख नि द्याई
रै अमीरों राज
गरीब हूणु किलै छ पाप
सोच धूं थ्वड़ा घड़ेक
गरीबी मन मा बैठेक
कर ले विचार
गरीब हूणु किलै छ पाप
गरीबुन पसन्या बगाई
खाणक तरसि ग्याई
कन्नु रैगी जाग
गरीब हूणु किलै छ पाप
कर्ज मा दब्युं राई
निरुगू जीवन जी नि पाई
सदि रै बिमार
गरीब हूणु किलै छ पाप
गरीब फिर बि त्वै मणदा
त्यरा सिवा कै नि जणदा
पर त्यारू क्या हिसाब
गरीब हूणु किलै छ पाप
प्रभात सेमवाल (अजाण )सर्वाधिकार सुरक्षित
