दग़ढया हि दग़डयोंकू
दगुडू निबान्दा .
दग़ढया हि दग़डयोंतें
बाटू बतान्दा
दग़ढया हि दग़डयोंतें
मन कि बिगान्दा
दग़ढया हि दग़डयोंतें
खैरी सुणान्दा
दग़ढया हि दग़डयोंतें
सारु देजान्दा
दग़ढया हि दग़डयोंका
काम ऐजान्दा !
बक्त ओंणं पर
दग़ढया हि दग़डयोंतें
अलझे आन्दा
दग़ढया हि दग़डयोंका
मनतें रिझान्दा
दग़ढया हि दग़डयोंतें
छ्क्वेक रुलान्दा
दग़ढया हि दग़डयोंतें
लुटी लिजान्दा
सचु दगुडू क्वी-क्वी निबान्दा
जू दुन्याँ मा छाप छोड़ी जान्दा !!
प्रभात सेमवाल ( आजण )सर्वाधिकार सुरक्षित
