चौमास डांड्यों मा फेर बोड़ी एैगी
रुण झुण बरखा डांड्यों मा लैगी
हरी भरी ह्वैगी गौं-गौं की सार
पकिगै डाल्युं मा कफाळ हिंसर
बसंत भि उनि चौदिसों फैलिगी
फेर बोड़ी एैगी धारूं मा पाणी
लग्यां छ सब्बि काम अर धाणी
गाढ़ गदरा भि उनि फेर पौजिगी
धै दुधा मौज डांड्यों नैगी म्वार
वनि लगणी छ बरखा घनघोर
धरती मा भि जगु जगु छुंया फुटिगी
सग्वाडियों मा काखुड़ी मुंगरी लगिगी
साग सब्जी अब घर मा ही ह्वैगी
घास पात भि अब नीडु हि जमिगी
प्रभात सेमवाल (अजाण )सर्वाधिकार सुरक्षित
