पहाड़ कि नारी पर नेगी जी न बहुत सुन्दर गीत लिखी{ प्रीत कि कुंगळी डोर सी छन ई }ये का अलावा भी बहुत लोगो न पहाड़ कि नारी पर बहुत कुछ लिखी .मिन भी पहाड़ मा रैकी जु देखि वैतेन लिखण कि कोसिस कनु छो .
यकुलि छ जाईं घासक
दूर ऐंच बण धारु
वितें कैन दैण सारु
कनक्वै ओण यकुली घर
मुंड मा छ गरू भारु
वितें कैन दैण सारु
सौण का मैना कि बरखा
उनि ओणु गदन्यो मा लारू
वितें कैन दैण सारु
मेहनत करि करि उमर चलिगि
सूचि नि कबि क्य होलु म्यारु
वितें कैन दैण सारु
खैरी खै खै जोंकि जुकडिय़ों
बण्यो छ पूरु खारु
वितें कैन दैण सारु
प्रभात सेमवाल (अजाण )सर्वाधिकार सुरक्षित
