रैबार

Thursday 21 May 2015

छुड़िक घरबार




















छुड़िक घरबार
आयुं सात समोदर पार

यख दूर परदेस
छुड़िक गढ़देस
माया कि य मेस
नि क्वी अपणु हितैस
कैमा बताण अपड़ा
मन का विचार
छुड़िक घरबार
आयुं सात समोदर पार


रै बेरोजगारी की डार
कुछ गरीबी की मार
थ्वड़ा माया कु बुखार
जरा बगत की सार
चौतरफा यनु घिर्यों
कि माणी मिन हार
छुड़िक घरबार
आयुं सात समोदर पार


न सैणी  न खाणी
न ब्वलणी बच्याणी
न अपडु पछाणी
खैरी कैमा य लगाणी
यकुलि यकुलि मन रंदु
भारी ही लाचार
छुड़िक घरबार
आयुं सात समोदर पार

           प्रभात सेमवाल (अजाण )सर्वाधिकार सुरक्षित