बाड़ कान्डों की हटैजा जरा घडैक सहि
अंख्यों मा प्रीत बसैजा जरा घडैक सहि
छोड़ दुन्यांदारी मन सि मन तेन मिलैजा जरा घडैक सहि
धूळ जाति थाती मिटैजा जरा घडैक सहि
लड़ै सक्यों पुराणी भुलैजा जरा घडैक सहि
अब हम एक हेका सारु छ सब्बू तेन बतैजा जरा घडैक सहि
मन सि कंस भगैजा जरा घडैक सहि
हिया मा काना रमैजा जरा घडैक सहि
पिलै जहर कु प्यालू मन मीरा सि बणैजा जरा घड़ेक सहि
आँसू अख्यों का सुखैजा जरा घडैक सहि
हैसणु मन तेन सिखैजा जरा घडैक सहि
खैरी का आगड़ी जीत छ जग तेन दिखैजा जरा घडैक सहि
प्रभात सेमवाल ( अजाण )सर्वाधिकार सुरक्षित
